袁偉豪助養小朋友踏人生新階段：可能2、3年內結婚
撰文：趙允琳
出版：更新：
袁偉豪（Ben）及李佳芯（Ali）今日（2日）為商場揭幕禮擔任嘉賓。在活動上阿Ben要在台上幫女粉絲化妝及打扮，不但沒雞手鴨腳，拿起化妝品時更是得心應手，原來因爲自己小時候已經被「打扮慣」：「啲阿姨想幫我扮靚過吓癮，搽唇膏、胭脂啊，畀啲裙我著啊，好奇怪但明白嘅，有時啲大人想等細路仔有啲童年⋯⋯唔知係陰影定回憶呢？」
阿Ben說對男人來說買「玩具」一定不少得，因為透過買鞋、錶、相機時的快樂與女人買化妝品時的喜悅是一樣的。（黃國立攝）
阿Ben透露臨近聖誕，又多個藉口讓自己買東西，例如手錶、相機、車等他都很想入手。但說到最想買的，他坦言：「我想買樓！但都仲有一段距離，要開始慢慢再喺投資上學習多啲。」他透露今年亦做了一個重大決定，就是助養了兩名非洲和印尼的小朋友：「算係踏入咗人生另一階段，雖然我呢一刻未生小朋友，但都覺得想透過自己幫助到有需要嘅人。」
他指自己助養小朋友這個決定是受黃翠如影響，他覺得每月只要省下幾頓飯的錢就能幫助到另一個人的一生，這件事是非常有意義的。（黃國立攝）
又有計劃買樓，又助養了小朋友，阿Ben何時打算真正踏入人生下個階段結婚呢？他說自己是袁家的長子嫡孫，所以都要開始為留後作打算：「今年我37歲，可能2、3年之內，因為都唔可以太老先嚟生㗎，啲氣力又唔夠，即係我指湊小朋友會唔夠氣力同佢玩！」
阿Ben指在2018年經歷了很多，在事業上無疑是豐收的一年，而親人的離去亦令他學習了人生一大課題，希望2019年能在慈善上做到更多，工作上也能帶給更多觀眾喜愛的作品。（黃國立攝）