杜德偉台北發布新專輯《起來》 2歲仔仔同行:希望佢長大後會聽

撰文:
最後更新日期:

杜德偉花了5年時間籌備,3年時間實行的新專輯《起來》於今日(12月4日)在台北舉行發佈會,Alex還帶同仔仔一起看MV發佈。雖然Alex說心情不緊張,但仔仔的出現,為Alex帶來很溫馨的感覺。有仔仔陪伴和新碟出世,Alex笑言:「最多謝老婆賢內助,而且好想再生小朋友,生孖胎就最好,可以收工!」同時這次專輯的發佈,Alex表示有如懷胎10月嘅感覺:「但係呢個胎懷咗5年咁耐!」

杜德偉今次新專輯《起來》揀喺台北發佈。(資料圖片)

這次新專輯名為《起來》,原來背後原因與仔仔AJ有關。Alex覺得「起來」即是要跳脫,要離開舒適圈(comfort zone):「日常生活好易依賴係自己最舒服嘅範圈裡面,做自己最舒服嘅嘢,但係要得到成就,就者突破自己的時候,就一定要離開舒適圈,先會得到更多驚喜、成功,達到理想。呢個方向由始至終都係想著兒子來做,因為將來佢長大後,當佢人生迷失方向嘅時候,希望在這張唱片聽到這些歌,會搵到方向和正能量,因為自己唔係永遠係仔仔身邊。」

杜德偉2歲嘅仔仔真係好得意。(資料圖片)

有別於以往的專輯,Alex表示這張專輯自己兼任「唱片總監」,整張專輯都是自己一手一腳完成。:「呢3年幾好多心血係裡面,無論係歌詞、所有編曲,甚至樂手,都由自己撐。去到最後混音編曲嘅版本,每首歌差不多有4-5個,要同香港、台灣、美國和韓國嘅混音師合作,大家聽到每首3-4分鐘嘅歌,其實裡面有好多心血。」

今次發佈會仲請到台灣著名經紀人邱瓈寛(寛姐)做神秘嘉賓。(資料圖片)

台灣發佈會中,更請到華人影視界的「第一把交椅」邱瓈寛(台灣著名經紀人)作為神秘嘉賓,Alex說,與寛姐的認識緣於30多年前的音樂合作。Alex笑言,因為新碟主題是《起來》,即是跳出comfort zone,所以本來是想請寬姐穿裙、高跟鞋,再加魚網絲襪出席,但最後還是不敢提出。而穿橙色衣服的寬姐則回應說:「今天已經好跳出comfort zone,平日我都只穿黑色,媒體都未見過我著其他!」

+7
+6
+5


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。