【極度怪咖】向王浩信「拜師」學搞笑 張振朗爆二人將激咀連場?

撰文:賴家杰
出版:更新:

TVB新劇《極度怪咖》今天(27日)公布演員劇中造型,主演有王浩信、張振朗、馮盈盈及高海寧等。振朗分享他在劇中的角色:「其實我劇中我演一名卧底,無端端有一個九唔搭八嘅人入嚟侵佔我世界,仲要分享演戲道理同教我做卧底。」

浩信指那個「九唔搭八」的人正是他:「我喺戲入面飾演孤兒,成長後加入美國小劇團做男主角,對演戲好執着,嚟到香港俾黑幫撞到,佢哋知我做戲好叻,就叫我演黑幫老大,平定黑幫糾紛。」

王浩信與張振朗再度合作拍攝劇集《極度怪咖》,二人指繼《踩過界》後已默契十足。(梁碧玲攝)

《極度怪咖》是一部喜劇,張振朗給人感覺喜感十足,反而王浩信感覺則令人相當沉默,但原來這只是錯覺,振朗直言其喜劇細胞是「師承」王浩信:「佢(浩信)同我心底都有種戇居天份喺到,係拍《踩過界》嘅時候,我哋有好多無聊嘢岀咗嚟,岀嚟效果幾好,觀眾又笑到,其實好有趣。」浩信則指自己一向都很喜歡為別人帶來歡樂。對於馮盈盈爆劇中7位女角皆難以自制,情陷王浩信,乍聽相當令人羨慕,但他本人完全不覺得是福利:「其實演出最大嘅『福利』係遇到好對手,唔係遇到異性!」張振朗更搶先「預告」劇中他將會跟王浩信有多場親吻戲,孰真孰假,要到劇集播出時才知道。

振朗透露劇中會有多場親吻戲,不過親吻對象是王浩信,左邊為《極度怪咖》監製林志華。(梁碧玲攝)
+7