收工同康華去唱K嚇親 湯鎮業：佢一唱啲人唔敢唱
撰文：吳子生
出版：更新：
湯鎮業今日（17/1）出席在尖沙咀舉行的《拼火花·康華AKINA》新歌發佈會。無綫劇集《荷里活有個大老千》中，康華飾演湯鎮業的大太太，兩人因而成為好友：「今日佢有新歌推出，一定要嚟撐場，我認識嘅佢係一個情商好高嘅女人，所以今日好多嘉賓都嚟撐佢場，佢唱歌好叻，我哋拍戲之餘都會去唱K，佢一唱嘅時候，啲人都覺得佢好犀利，之後啲人都唔敢唱等佢唱晒，估唔到唱歌咁好，連做戲都咁好。」
康華新歌發佈會，獲許多圈中好友撐場。（陳順禎攝）
湯鎮業表示如果片酬吸引都會留港拍劇。（陳順禎攝）
無綫劇集《荷里活有個大老千》，故事以香港60年代作為背景，當年賭風盛行，有份主演的湯鎮業表示：「嗰陣時60年代，70年代，香港嘅生活都係打麻雀，賭狗賭馬係生活一部分，我哋細個嘅時候成日睇住我老豆聽收音機呀，聽賭馬賭狗呀，我哋細個跟住佢都畀佢影響咗，所以自細我都識賭，睇返套劇真係覺得好真實好懷舊。」
湯鎮業表示農曆新年會回內地過。（陳順禎攝。」