朱薰囡囡兩歲學唱K超萌 與小塵埃合作零怯場
撰文：鄺鈺瑩
出版：更新：
為咗配合妹之個beat，小塵埃即場彈湊《生命有價》。
近年唔少已婚藝人都愛在IG仔女嘅生活照，而育有一仔一女嘅朱薰，每次上載一對仔女嘅生活片段時，都融化唔少網民，特別係細女譚在之（妹之）肥嘟嘟十分可愛，雖然只得兩歲多，但就非常鍾意唱歌，特別係王馨平嘅《生命有價》。有串流音樂平台早前特意搵嚟妹之，同早前翻唱《生命有價》嘅組合小塵埃一齊試用apps內新推出嘅對唱功能。
唱到一半，妹之有少少扭計，原來係因為肚餓。
拍攝當日，為怕妹之怯場，除咗媽媽朱薰外，爸爸阿榮以及哥哥譚仔亦有到場，而首見妹之真身嘅小塵埃，未待妹之開口，就已經即時融化，頻頻大叫「好可愛」。正式拍攝時，妹之聽到《生命有價》前奏時，已不停用身體打拍子，之後仲自己拎咪跟住唱，非常專業。
哥哥譚仔都有到場為妹之warm up。