羅天宇想做青春熱血角色 頻頻練歌唔通想向歌壇發展?

撰文:
最後更新日期:

羅天宇(Joey)今日(30日)出席香港馬術大師賽記者會,問到他自己有沒有騎馬的經歷,Joey表示:「騎馬真係完全冇試過,我自己都鐘意動物嘅,所以我都好期望可能將來有古裝劇拍,真係需要我哋騎馬嘅時候,可以同佢哋(馬)接觸吓。」是不是都想挑戰更多古裝劇?Joey就說:「其實之前都有拍過《包青天》,嚟緊都會想試吓,不過最好就係冬天啦,因為我上次拍嘅時候係二月份嘅時間,所以去橫店嘅溫度都啱啱好,十幾度咁著古裝都好舒服。」

羅天宇說新年有花車排練等工作,所以本來有過的出埠計劃就擱置了。(葉志明攝)

羅天宇繼《愛回家》的馬子仁後,憑《跳躍生命線》中譚家俊一角成功入屋,說到接下來最想挑戰的角色,Joey說:「我想拍啲熱血啲或者青春啲嘅劇,因為都冇乜時間可以再拍,再老啲就冇得再拍,所以都想拍啲青春啲嘅劇。《跳躍生命線》都幾熱血,都想試吓挑戰消防員。」青春的話會想做學生角色?羅天宇說學生角色的話要看觀眾能不能接受,但自己的心境還是很年輕。

說到新一年會不會想拍拖,羅天宇就表示暫時未遇到合適的人。(葉志明攝)

Joey最近在個人的Instagram上載了自彈自唱Cover電影《星夢情深》插曲“Always Remember Us This Way”的影片,問到未來會不會有機會向歌手發展,Joey就表示:「歌手就唔敢當,但嚟近新年會嘗試多啲,始終自己都鍾意做嘅,拍咗片擺上網啲觀眾好似又幾鍾意,我又可以做到自己鍾意做嘅嘢,嚟緊會試吓做多啲唔同歌嘅Cover。」最近在練什麼歌?Joey說:「最近都係睇咗啲戲入面嘅主題曲好好聽,我就試吓自己彈唔彈到、唱唔唱到。其實我都有keep住試,只不過有啲太難聽,我驚嚇親觀眾所以冇post,盡量睇吓嚟緊有啲歌好聽,我又試下彈俾觀眾聽。」期待Joey帶來更多好的Cover。

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。