狄以達阿媽屋企壞電視冇得睇TVB 獲光頭勇士打救究竟係邊個?

撰文:
最後更新日期:

大年初一祝大家萬事如意,笑口常開!

相信大家新年都要拜年,成班親戚喺屋企你眼望我眼,如果唔想姨媽姑姐問埋你幾時拍拖、結婚、升職、家人工,最好就坐埋一邊煲劇睇電視。但係你話如果冇電視睇,點算呢?冇電視睇真係好大鑊,冇電視睇就世界末日,慘無人道!

(網上圖片)

不過冇電視睇呢個慘痛經歷,就於日前(年廿九)發生在狄以達身上,情節更峰迴路轉過連續劇!事緣當日狄以達就在Facebook表示收到好緊張的電話,原來係阿媽打電話給他,指電視機壞了,更出Post望各路英雄指點迷津,寫道:「我有6個鐘時間買返部電視機返去,要即刻有現貨!各路兄弟們可否比(畀)d(啲)意見我?」

達仔在最迷茫的時候,救星立即出現,林盛斌(Bob)化身為「一拳超人」打救達仔。其後,達仔繼續仔Facebook出Post感謝Bob出手相助,更附上搞笑Hashtag,#媽咪真係好鍾意TVB,#係咪因為今晚有安樂蝸牛。而在等待電視機送貨的期間,達仔非常擔心冇電視睇等於「世界末日」,所以立即趕返屋企陪媽咪。去到晚上差不多10點,達仔在出Post表示大家唔需要擔心,因為世界和平了,搞笑指:「我覺得今日做左(咗)阿媽心目中嘅英雄,拯救巳左(咗)佢嘅世界。#原來電視機好緊要 #原來TVB都好緊要 再次多謝阿Bob安排。」

(資料圖片)

達仔接受《香港01》訪問時透露,收到電話時媽咪從未試過那麼緊張,所以自己都想盡快買到電視:「嗰日年廿九怕舖頭收爐,訂得嚟都怕過咗年先送到。原本想去深水埗買,自己又唔熟電器,好彩阿Bob就介紹咗個朋友畀我,佢朋友仲親自安排送貨同埋安裝,真係好多謝阿Bob!」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。