【情人節】方健儀怕浪費拒絕收花:唔鍾意掉花嘅感覺!

撰文:
最後更新日期:

明日就是一年一度的西方情人節,方健儀(Akina)同老公結婚9年依然十分恩愛,問到兩人婚後多年還會否慶祝情人節,Akina說:「結咗婚我已經唔係佢情人,係佢老婆,我老公係唔浪漫嘅人,唔興送花,所以情人節我無乜收花,一隻手數得晒。有一次好驚喜嘅就係有年情人節前兩晚,佢凌晨成點零兩點鐘仲未返屋企,我問佢去咗邊,係咪去咗沾花惹草,原來佢半夜去咗花墟買花畀我,話要考驗下我,叫我試下插花,我仲記得佢買咗白玫瑰、滿天星同毋忘我,嗰次係幾難忘嘅。」

方健儀話佢老公唔係浪漫嘅人。(梁碧玲攝)

Anika絕非一名港女,她認為情人節不需要收花,自己本身也不喜愛收花:「我唔鍾意掉花嘅感覺,覺得好浪費。」她和老公的相處並非追求浪漫,而是兩人各方面都很合拍,生活上很夾得來,相處得十分舒服。兩人大時大節多會在家下廚玩煮飯仔,她說:「買花啲錢用嚟食咗去仲好啦,我成日同老公講佢真係幸福,有個我咁好嘅老婆,肯煮飯做家務又唔會亂花錢,精打細算,奉行應使則使,會嚴格控制屋企嘅花費。」她笑言有叫老公於情人節打上電台點唱給她聽,但她老公以反白眼來回應她。

Akina絕對係一個好老婆,佢老公娶到佢係福氣嚟。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。