【渣打馬拉松】胡諾言跑前早餐食三碗飯 林穎彤首次挑戰10km

撰文:
最後更新日期:

胡諾言(胡仔) 與林穎彤(Bella)將會出戰於星期日舉行的渣打馬拉松,胡仔已參加了渣馬兩、三年,比較有經驗,今年繼續跑全馬。問到準備成怎樣,他說:「8成啦,因為隻左腳有少少勞損,筋膜發炎,而家康復緊。啱啱喺日本旅行完返嚟,陪啲小朋友去玩,但係我都唔敢玩到心散晒。希望可以喺4個鐘之內完成賽事,成績同上年差唔多已經足夠。」至於跑10km的Bella早前就開始了街跑的練習:「街跑我跑7、8km,當日目標係1個鐘頭15分鐘左右可以跑完10km。」

胡諾言和林穎彤將會出戰今年的渣打馬拉松。(梁碧玲攝)

胡仔表示其實志在參與,如果能夠跑出好成績就是bonus:「想畀人知道做藝人都可以抽時間出嚟挑戰自己。」他又分享經驗提醒大家在比賽前一定要食早餐:「起跑前要食一個好嘅早餐,我自己兩、三日前就會幫身體儲定糖份,上年跑嗰朝食咗三碗白飯,有充足嘅糖份可以避免跑嘅時候抽筋,但都唔可以食得太飽。」Bella謂她試過食得太飽跑會肚痛。兩人跑前的一晚都會盡量早睡,雖然太早會睡不着,但「瞓到幾多得幾多」。

胡仔提醒Bella跑渣馬那天要吃一個豐富的早餐。(梁碧玲攝)

另外,提到今年情人節會怎樣慶祝,和太太結婚多年兼育有3個小朋友的胡仔坦言:「我同太太都唔太注重呢個節日,我份人又唔太浪漫,同埋覺得唔一定要特定嗰日慶祝,結咗婚特別係有咗小朋友之後,唔會追求咩浪漫嘅感覺,反而係一家人健健康康,開開心心咁食餐飯更加重要。」

胡仔說他和老婆都不太重視情人節。(梁碧玲攝)

+3
+2

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物https://heart.hk01.com/zh/project/10003



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。