演唱會後與老公全力「造人」 楊洛婷:準備咗好多玩意畀佢

撰文:
最後更新日期:

兩位星媽聚會,總有說不完的親子話題。(林迅景攝)

楊洛婷 (Rabee'a)今日(23日)出席媽咪展活動,同場亦有已懷孕8個月的香港小姐張嘉兒(Kayi),兩人接受《香港01》訪問時表示,每次見面大家都有說不完「湊女經」。楊洛婷:「我成日都搵佢傾湊女心得,因為我個囡啱啱細佢個女1年,所以平時有咩都會第一時間搵佢。」張嘉兒:「其實我都係上網搵資料多,同時我身邊都多媽媽,可以一齊傾啲媽媽嘢。」

今日大會就特別標注楊洛婷係性感造型,不過現場所見就同平時冇咩分別。(林迅景攝)

那麼,兩人會談及小朋友的甚麼事情?楊洛婷:「呢排我哋講緊返學,我個囡2歲,佢個囡3歲,所以都係傾個囡返學。我又會問佢呢間學校好唔好,啲老師好唔好,你個囡學唔學到嘢,我哋會Share呢啲資料。」張嘉兒補充說:「囡囡而家開始返pre-nursery。」

張嘉兒現在已經有8個月身孕。(林迅景攝)

現育有一女的楊洛婷,在訪問中亦表示考慮「再追多幾個」:「係吖,其實我係好鍾意小朋友嘅,所以生幾多個都冇所謂,但係呢一方面係需要我老公(Dear Jane主音Tim)配合,呢一番說話我都想多啲人話返畀佢聽。而家希望佢完成咗佢三月演唱會(Dear Jane)之後可以專心啲,努力,要100%擺晒喺我身上,夾完演唱會就夾我。」被問及準備了甚麼「秘技」時,她笑說:「我準備咗好多玩意畀佢。」記者追問是玩意,她笑說:「你估下啦,性感睡衣有時係未必足夠嘅,都要諗啲新意,不過咁私人嘅就留返畀我哋啦。」張嘉兒聽畢之後馬上說:「著返嗰條皮褲好似都唔錯!」

+2
+2
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。