Angelababy三十歲生日 黃曉明Po相曝小海綿驚人髮量似BabyChanco

撰文:
最後更新日期:

Baby下嫁黃曉明已經接近4年啦。(Angelababy微博)

時間總係喺不知不覺間流走,有啲藝人看似仲好年輕,但原來眨眼間已經出道十幾年。Angelababy 十四歲已經出道,話咁快出道16年,仲已經同黃曉明結婚兼生埋囝囝小海棉。2月28日正正係Baby 三十歲生日,佢並無放假休息反而飛到巴黎出席時裝周活動,而老公黃曉明就喺網上放閃,罕有孖住囝囝小海綿為Baby送上驚喜。

一踏入Baby生日,曉明大哥就馬上發微博祝愛妻生日快樂。(黃曉明微博)

一踏入28號凌晨零時,曉明就秒速發微博,簡單寫低4隻字:「生快,美媽。」雖然未有tag人但大家都深明係為老婆Baby慶祝。佢仲上載咗2張相,一張係孖住囝囝畫畫,而另一張就係佢地嘅大作 --- 一個戴住皇冠嘅小公主,應該就係代表住Baby係佢地心目中永遠嘅公主,真係好甜蜜呀﹗

曉明父子齊心合力畫呢幅畫,應該係Baby最好嘅生日禮物。(黃曉明微博)

Baby同曉明一向非常保護囝囝,避免佢嘅樣貌曝光,17年尾就曾經有媒體刊登小海綿正面照,令黃曉明於網上留言怒斥「不顧道德底線」。雖然呢次父子合照只係影到小海綿頭頂,但肥嘟嘟嘅小手,加上超濃密髮量,已經引來網友熱議,仲話令佢地諗起日本一個因為髮量多而爆紅嘅BB Chanco添。

網友笑言小海綿嘅髮量可以同日本BB Chanco相提並論。(BabyChanco IG)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。