【大醬園】朱晨麗自爆劇中被人強姦 何廣沛：點解你仲笑
撰文：吳子生
出版：更新：
何廣沛、朱晨麗今日（14/3）出席無綫新劇《大醬園》造型記者會，首次擔正劇集男主角何廣沛開心表示；「今次係第一次咁重戲分，最緊要有一位咁好嘅拍擋（朱晨麗）啦，因為有咁多嘅戲分，難免都會有啲緊張，好在有好嘅對手而且又合作過，因為之前已經有晒默契，有佢分擔相信冇咁大嘅壓力啦。」
何廣沛笑言日對夜對住朱晨麗，都會對到眼冤。（陳順禎攝）
朱晨麗自爆劇中會畀人強姦，旁邊何廣沛大為緊張話：「你畀人強姦？咁係之後我係咪英雄救美呢？」朱晨麗笑說：「我都係聽同劇嘅演員講，佢話我知佢會強姦我，哈哈，反而佢好似好期待，好似好開心咁，佢好似發夢都夢見，終於都可以實現，哈哈哈！」何廣沛話：「點解你可以講到咁好笑咁嘅，你都好似好期待咁喎。」朱晨麗打完場話：「如果冇呢一幕，又點會有你英雄救美呢一幕呢。」
朱晨麗表示過往都有同何廣沛合作過，默契上係一定會有。（陳順禎攝）
+5