【多圖】王祖藍為愛女舉行百日宴:感恩佢似我老婆

撰文:鄺鈺瑩
出版:更新:
王祖藍原來都擔心過囡囡生得似自己。

王祖藍與李亞男日前為愛女Gabbrielle舉行百日宴,一眾圈中好友如蔡少芬、鄧萃雯、郭晉安與囡囡、阮兆祥、苟芸慧夫婦、方力申、羅敏莊一家三口、陳爽、林欣彤、陳嘉佳、梁嘉琪、何遠東、陳豪一家五口、薛家燕、羅蘭姐等人均有到賀,乖巧的Gabbrielle雖然接連要跟大批賓客朋友合照,但全程未有扭計;不過向來痛錫女兒的祖藍及亞男,一見愛女打呵欠即著陪月姐姐帶女兒返回「公主房」稍事休息,並拿出大批1比1紙版囡囡「頂更」,氹得賓客朋友十分開心,更大讚紙版Gabbrielle可愛度不輸真人。 

王祖藍為愛囡取名為王天韻。

祖藍與亞男上台致謝辭時表現興奮,除了表情多多,更即席宣布愛女的中文名字:「我拍緊《你咪理》嘅時候,阿女只要一聽到戲入面嘅音樂,就會踢佢媽咪個肚。我覺得佢係天上嚟嘅音樂,所以佢個名係叫做王天韻。」事後王氏伉儷齊齊受訪時,祖藍笑言十分感恩女兒愈大愈似太太:「我好開心,初初BB出世時未收水,好似我咁一PAT嘢。但後來佢收水後,我就感恩佢愈嚟愈似我老婆。其實我啲DNA都好強架,估唔到輸咗畀太太。」亞男即笑指祖藍應感激她,祖藍聞言搞笑大派冧招謂:「好多謝你呀!王家因你而改變!醫生仲話,我個女喺同齡嘅BB嚟講算係高架!」 

蔡少芬同老公張晉以及兩個女女都有出席Gabbrielle的百日宴。
用作回禮的手工糖果亦相當有心思,除了有一家三口的合照外,其中數粒糖果更印有Gabbrielle的英文全名
+6