【快樂中年】丁子朗跟鄭丹瑞「學嘢」 無聊問題獲覆一個「唔」字

撰文:
最後更新日期:

丁子朗笑言做了《今期流行》的主持後,雖然他並不是很懂得化妝,但就多了出席化妝品活動。(梁碧玲攝)

無綫綜藝節目《快樂中年》,每集都會邀請不同嘉賓分享人生經歷以及演藝事業上的高低起伏。節目除了有金牌司儀鄭丹瑞(旦哥)外,還有一班後輩「跟住學嘢」。今日(21日),主持之一的丁子朗出席化妝品牌活動時,就談及跟旦哥學習做主持的有趣事。「每晚逢10點就可以同啲大前輩問問題,真係袋咗好多錢落袋!」

《快樂中年》為近期開播的清談節目。(截圖)

丁子朗續說:「雖然個節目叫《快樂中年》,搵咗我呢個後生仔去做,但係前輩都非常之好,唔會嫌我啲問題低能,唔會嫌我煩,喺度答我啲問題。(例如?)譬如,入行咁耐有啲咩難關,但係明明旦哥已經問過,我又再問多次。又譬如,劇本有啲咩需要睇吖,你會點樣分析劇本。我覺得呢啲對行內人可能好明,但係我真係好想問。(熄機之後旦哥有冇話你問得唔好?)有吖,熄咗機之後,旦哥成日會咁:『唔,啱啱...唔。』咁樣囉。因為我冇上過訓練班,佢真係好似一個老師咁,俾我一個好似課外訓練班嘅感覺。」

+8
+8
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。