自爆頭大拍古裝劇難搵頭套 王賢誌：要用秦煌個頭套先啱戴
撰文：吳子生
出版：更新：
王賢誌（Vinci)今日（8/4）出席在金鐘舉行的國際著名眼鏡品牌活動。Vinci透露自己都有收藏太陽眼鏡習慣：「好似做藝人咁，有時候不在狀態情況下，戴太陽眼鏡可以遮住個倦容，望落去個人都醒神啲，太陽眼鏡又可以配襯唔同嘅衣著，尤其影相時會有好多變化，所以自己都幾鍾意太陽眼鏡。」
王賢誌今日出席國際著名品牌活動。（葉志明攝）
此外，Vinci對太陽眼鏡也有強烈特別要求：「太陽眼鏡個框一定要大，因為我個頭同我塊面好大，我試過戴啲細，會顯得我塊面好肥。同埋我要鏡框個臂要夠長，因為我成個頭都大，試過拍古裝劇要戴頭套嘅時候，要搵全電視城最大嗰個頭套先用得，因為其他頭套遮唔到我啲髮線，要用到秦煌個頭套先啱我戴，咁所以你話個頭有幾咁大呀。」
Vinci最近忙打理自己公司生意，計劃籌備VIP星級旅行團，開拓新領域。（葉志明攝）