【復合有望？】朱慧敏認有見Eddie：依然係好好嘅朋友
撰文：陳浩賢
出版：更新：
朱慧敏去年跟前EO2成員彭懷安（Eddie）分手，二人仍維持生意伙伴關係，一起經營華星冰室，但二人關係卻一直糾纏不清，有「掟煲唔掟蓋」之嫌，尤其Eddie隻手受傷入院，朱慧敏即趕往醫院探望，神情關切，更傳出二人已經秘密復合。
有報道指朱慧敏跟Eddie甜蜜撐枱腳，有望復合，而朱慧敏指純粹是生意伙伴。（微博圖片）
朱慧敏表示現時專心做生意及學佛，感情事暫時不去想。（微博圖片）
今日有報道指二人甜蜜撐枱腳，似乎「還是覺得你最好」，二人復合有望。《香港01》向朱慧敏求證，她笑着回應：「其實我哋經常喺冰室出現，今次點解有新聞，估計係撻沙哥（Eddie）再度出現，喺深宵嘅時候（《使徒行者》重播》），所以大家關注撻沙哥嘅感情生活。」
至於二人有否機會再續前緣，朱慧敏則馬上落閘，「多謝大家對我感情生活嘅關心，我同Eddie依然係好好嘅朋友，生意伙伴嘅關係，其實我哋定時都有見面，因為華星冰室喺7月25日會有活動，所以呢排我哋都係開好多會，好密鑼緊鼓去籌備，我自己都係集中演藝嘅工作，同埋冰室嘅生意和學佛，所以感情事完全未諗住，我係好想專心學好佛法再諗感情事，多謝大家。」看來Eddie要重奪朱慧敏芳心，仍然要加把勁。
現時深宵時段重播《使徒行者》，Eddie飾演劇中的撻沙哥，而他的感情生活再次受到關注。（微博圖片）
朱慧敏跟Eddie曾到達談婚論嫁階段，更一起到金行試金器，可惜最後分手收場。（微博圖片）