【男人EEETV】「腦」力獲廣告商睇中 YouTuber李萬璣係商台舊將

撰文:
最後更新日期:

YouTube已經成為不少香港人的生活一部份,而最近有一個Channel非常值得大家留意,更儲落不少粉絲,它便是由李萬璣、Smith和比利主理的「男人EEETV」。

比利、李萬璣和Smith主理的YouTube頻道「男人EEETV」愈來愈受歡迎,最近更得到廣告商垂青。(Instagram)

「男人EEETV」拍攝的節目一直頗具質素,不但充滿笑點,更有教育意義,當中不得不提的是《第3堂!飲醉酒去朗誦比賽!》。三位主理人在片段中便挑戰5分鐘飲完12罐啤酒後參加公開朗誦比賽的「壯舉」,其中李萬璣更在眾人面前朗誦陳柏宇主唱、陳詠謙填詞的《別來無恙》,向大家說明飲醉酒並非做錯事的藉口。

最新的一集《特別補課!愛因斯坦問米DEAD Talk!》中,「男人EEETV」繼續挑戰想像力的極限,到靈媒問米請已故科學家愛因斯坦講幾句,當中有不少對話令人忍俊不禁。

點擊下圖觀看各集重點:

+13
+13
+13

到底這些天馬行空的想法是如何構思出來?主理人之一的李萬璣接受《香港01》訪問時便指自己與兩位拍檔都為此絞盡腦汁:「其實都真係好難諗,我哋每次都會諗到底有冇人做過,要逼自己諗大家諗唔到嘅嘢。以『醉酒朗誦』為例,咁我哋會首先諗個訊息出嚟,就係飲醉酒都唔可以做錯嘢,然後我哋就諗個最嚴肅、最唔可以做錯嘢嘅場合出嚟挑戰,本身我哋有諗過去靈堂或者畢業禮演講,但一個去咗就欠尊重,一個就冇人請我哋,咁啱又真係有人搞公開朗讀比賽,我哋就走去拍片。」

李萬璣又指現在都有出現樽頸狀況:「其實我覺得『地鐵』同『蘭桂坊』嗰集好似,都係去一個地方做一個角色,我覺得我哋可以做得再創新啲,當然而家都仲係摸索階段。」

李萬璣和Smith為「二人三足球」試衫的情景。(Instagram)

談到當初轉做YouTuber的原因,本身在商台擔任PA的李萬璣便透露:「本身我同兩位拍檔係大學同學,讀書時都有拍片,後來自各去唔同公司度做,點知之後大家又不約而同離開工作崗位,我哋就喺度諗,一係就搵新工繼續學嘢,一係就跳出嚟學以致用。」他們都認為25歲左右的男生,既稱不上「男人」,又已經脫離「男仔」,身份好尷尬,所以想透過拍片公開自己的學習過程,希望可以為與自己差不多的觀眾帶來方向。

談到「男人EEETV」開始得到廣告商垂青,全職拍片的李萬璣坦言這是一大鼓舞:「如果個條片有廣告商參與,就好似多咗個人參與個Project咁,好難話冇影響條片,但個影響唔大,我哋最希望係觀眾睇完都會覺得正。」至於他最鍾意哪條作品?他坦言是點擊率偏低的《第2堂!唔用手踩單車過後巷!》,因為拍攝過程令他學識堅持:「拍到天黑都拍唔完嗰時,我哋仲堅持冇放棄,嗰一下我真係對自己做緊嘅嘢有體會。」

李萬璣有不少少女粉絲。(Instagram)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。