【法證先鋒lll】大懵未拉手制 險釀意外 沈卓盈:9秒9跳返上車

撰文:
最後更新日期:

沈卓盈(Jess)昨晚(13/6)出席在尖沙咀舉行的手袋著名品牌活動。Jess透露在十多年前初入行時,將首份人工用來購買手袋獎勵自己:「其實到宜家如果做嘢辛苦嘅時候,都會買禮物送俾自己,不過都係揀手袋,覺得手袋可以配搭不同服飾,咁所以十幾年前所買嘅手袋,宜家都仲係屋企,因為好有紀念價值,唔捨得掉。」

沈卓盈身穿性感白色吊帶裙出席活動,散發出女性獨特時尚風格。(葉志明攝)

《法證先鋒lll》昨晚重播完畢,Jess表示都有留意,還笑言自己變化不大:「只係啲髮型唔同咗,但覺得相比而家好baby fat,睇返都有好多回憶,好記得同我同劇嘅沈振軒及幾個男演員佢哋都冇車牌,當時只得我有,變咗揸車場口都要由我負責,記得有一幕要拍攝我揸車,咁我將車停定後就落車離開,可能我忘記拉手制,架車向前溜,當時我都唔知,啲劇組人員大叫車未停,於是我9秒9跳返上車,將車煞停,差啲撞到前車叫嘅工作人員,真係有驚無險,真係嚇死我。」

沈卓盈好懷念拍攝無綫劇集《法證先鋒lll》時的情景,因為有太多美好回憶。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。