【白色強人】忽然V煞面變男神 馬國明:我唔食宵夜

撰文:吳子生
出版:更新:

馬國明今日(18/6)現身葵涌出席在香港癌症基金服務中心舉行的無綫劇集《白色強人》「醫者仁心·勿忘初衷」活動。提到在劇中造型忽然V煞面男神上身,馬明笑言連自己朋友都咁講:「劇出咗街後,佢哋私下都有問我,當然佢哋都有這套劇好睇啦,其次佢哋就話第一次發覺你喺套劇裡面咁有型,跟住我就諗一諗,佢係讚我定係踩我呢?因為我都演咗差不多十幾二十年戲啦,突然之間佢哋咁講,以前咪⋯⋯哈哈,真係俾佢哋激死,唔知佢哋讚我定踩我。」

馬明表示近來密做運動,保持最佳狀態。(葉志明攝)

馬明慢慢道出由來:「其實我開工冇得訓就會容易瘦,早排我拍《降魔的》唔夠訓都即刻瘦晒,至於食方面,當然唔好食咁肥膩嘅嘢啦,我就從來都唔食宵夜,通常6至7點食完晚飯之後,我都唔會再食嘢,如果拍通宵戲肚餓,最多食兩塊餅乾,其實一日三餐,早餐及午餐我會食飽啲,晚個餐就會食少啲,多菜少肉為主,不過最梗要係做運動配合。」

馬明今日出席無綫劇集《白色強人》造勢活動。(葉志明攝)