53歲羅霖為寫真集搏到盡 第一次挑戰海底拍攝:我唔識游水!

撰文:
最後更新日期:

「美魔女」羅霖(Candy)於2015年以半百之齡推出首本個人寫真集《Timeless》後,事隔4年再度宣布出擊推出第二本寫真集《Timeless凍齡美魔法》,與另一「凍齡美女」溫碧霞打對台競爭,引起外界關注。她透露為了今次作品,除了在香港取景外,亦飛到上海、泰國和韓國拍攝,而且尺度亦有別於4年前般以性感為主,營造自己健康的一面,除了有大量靚相之外,亦用文字分享自己的保養之道及凍齡秘訣。

羅霖《Timeless凍齡美魔法》

Candy為了今次的作品,在一個月內極速減10磅,包括做運動、做機、推脂和按照飲食餐單進食,務求用最佳狀態拍攝。而她透露寫真中共有六套泳衣造型,不過尺度就比以前細得多:「尺度啊,其實我冇諗過㗎,泳衣照我覺得就有別於我四年前出嘅寫真,當時係有啲性感,但今次我覺得泳衣係應該健康嘅,所以我就搵一啲大自然、沙灘去拍攝,感覺舒服健康啲。」而其中最大的分別莫過於,不懂游泳的首次嘗試海底拍攝,她笑言對成品相當滿意,不過其實整個拍攝過程都相當痛苦:「拍攝嘅泳池唔夠深,得1米幾,變咗要打橫瞓喺度,但係又會浮起,所以要綁一舊鉛喺個身度,我要克服少少恐懼因為第一次,同埋我唔識游水!着住條裙濕咗水好重,又要閉氣擘大眼做優美動作,所以個幾兩個鐘影咗好多相,最終只有1、2張用到!」

不懂游泳的Candy首次嘗試海底拍攝。

與早前宣布推出第三本寫真集《海潮》的溫碧霞同時出寫真集,難免被外界將二人拿來比較, 面對在寫真中搏到盡以半裸造型亮相的Irene,Candy稱沒有將對方視為假想敵:「一路以來我都只係同自己比較,一路鞭策自己,又唔會同人比較,其他藝人影嗰啲我都好欣賞,佢哋都keep得好好!」她笑言自己身邊很多藝人朋友都保養得宜,不得不寫個服字,自己都非常努力保持最佳狀態:「如果唔將自己keep好啲,你會冇咗好多機會,尤其娛樂圈,如果keep得唔好,例如有瘦身廣告想搵你,你話等等先等我keep完先拍,其實就會冇咗個機會,有咁多藝人可以選擇,人哋都會揀第二個啦!所以我做呢行都會時刻保持備戰狀態,機會嚟到先可以好好把握。」

溫碧霞與Candy打對台,同時間推出寫真集。

《Timeless凍齡美魔法》主要分享保養之道及凍齡秘訣。(羅霖IG:candylolam)

經常被外界大讚是「美魔女」,覺得自己哪裡保養得最好?Candy笑言是皮膚:「真係要多謝我媽咪,有少少係先天嘅,不過後期保養都非常重要,有恆心自然就會keep得好!所有嘢都要持之以恆,身形、皮膚都係,我長期都係一個禮拜敷4至5次面膜,因為皮膚最緊要就係補水,唔需要用好貴嘅化妝品。 」Candy亦有分享自己的凍齡秘訣,除了勤做運動之外,亦要從飲食入手:「要少食多餐,最好七成飽,好似我咁鍾意食粉麵,就唔食肉(牛羊),主要食雞、蔬菜、魚類,如果兩樣都食就會好易肥。另外我長期飲暖水,一來對身體好,二來,飲凍嘢會積聚脂肪。」她稱正面的心態亦是其中一個不可或缺的條件:「首要身體健康,心情開朗開心,自然皮膚又會靚啲、睡眠又會好啲。」

Candy表示澱粉質和紅肉(牛、羊),只能選擇一樣。

《Timeless凍齡美魔法》將於7月推出,並在書展中舉行簽名會,Candy笑言會做好自己落力做宣傳,而目前已經收到很多預購單,所以不怕蝕本,並會將投資金額中的十分之一,即6萬元捐給慈善機構:「想本書除咗散發正能量,教大家keep fit之外,希望都可以做到善事。」

她稱會將寫真所得的款項中,將6萬元捐給慈善機構做善事。

點擊觀看更多美照:

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。