陳煒大方承認戀上型男醫生  「我清楚晒佢嘅狀況先同佢開始」

撰文:
最後更新日期:

陳煒昨晚(16/7)現身灣仔出席慈善晚宴,談到最近爆出新戀情,與現年45歲型男醫生陳國強拍拖,並正式告別單身,煒哥表現得相當開心:「當初認識佢時,係搵佢睇醫生,同埋搵佢做一啲醫學美容嘅療程,喺做嘅過程覺得佢好細心,彼此之間又好投緣,所以對呢個人都幾有好感,但大家一直好忙冇發展,要拍晒《法證先鋒》後,叫做可以休息落嚟,個陣先開始慢慢了解佢,同佢食飯再發展。」

煒哥大讚男友夠細心。(陳順禎攝)

有傳男方其實已婚,還有兩名女兒,對此煒哥為男友澄清在他們拍拖前,男方早已交代得清清楚楚:「佢離咗婚係事實,有兩名女兒我係知道嘅,我係清楚晒佢嘅狀況我先同佢開始,咁所以唔存在報導所講嘅問題,亦都唔容許自己做呢件事,識咗佢知後,先知佢原來係我粉絲,佢會睇我啲劇集,就係咁大家會好多話題。(前夫有冇打電話恭喜你?)煒哥表示:「我諗佢唔知啩,應該佢未睇到報道住。」(感情穩定會否想過閃婚?)煒哥直言:「我諗宜家都係好初步,大家都仲係認識之中,我都冇諗過預期咁快會公開,咁所以都係俾我哋慢慢發展下。」

煒哥笑言有病的時候,可以搵醫生男友睇症,份外安心。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。