【包青天再起風雲】吳家樂一秒變臉獲激讚 重提被當透明:睇化咗

撰文:
最後更新日期:

由譚俊彥、胡定欣、曹永廉、張振朗及姚子羚主演的新劇《包青天再起風雲》以採花賊「花蝴蝶」的案件打頭炮。劇集講到高昌公主(吳沚默飾)與畫師私奔,畫師被殺,兇手正是殺害展昭兄長(郭子豪飾)的採花賊花蝴蝶,眾人翻查案件,確認花蝴蝶為木匠杜江之孿生弟弟杜海(吳家樂飾),原來杜海與哥哥爭執期間被其誤殺,後因太壓抑自己而患上人格分裂症,在特定時間下會變成杜江!

同時飾演杜江和杜海的吳家樂,時而溫柔善良,時而殘暴囂張,他更在第二集中一秒由奸變忠,演技大獲好評。家樂接受《香港01》訪問時就透露:「我一收到劇本做呢個花蝴蝶,即係有少少人格分裂嘅雙胞胎嘅時候都好開心呀,因為對於我嚟講演技有新嘅挑戰,雖然拍嘅時間都幾長,但都好開心能夠演到呢啲『好玩』嘅角色。唯一我自己有少少……如果可以嘅話,有更多篇幅去講花蝴蝶呢兩兄弟,會更加精美同更加好玩,但實在有太多故仔串連住,所以唯有得第一、二集。」

家樂繼劇集《城寨英雄》裡飾演城寨三氏惡霸之一「馮春美(春美哥)」,又一亮眼角色!(FB圖片/@吳家樂Carlo Ng)

呢個係善良嘅大哥!(電視截圖)

呢個係狡猾嘅細佬!(電視截圖)

點撃下圖逐格睇點變臉!

+4
+3
+2

問到拍攝時,家樂曾突然在Facebook指冇價值,俾人當透明真好冇癮一事,他就強調:「其實拍緊嘅時候都有啲誤會,我自己係有啲嘢想抒發吓,但完全同《包青天》劇組無關,當時我拍劇係拍得好開心。(係咪冇人再敢當你透明?)其實咁多年嚟都真係睇化咗喇,如果唔睇化好難喺娛樂圈一直堅持落去。」家樂更指這次遠赴新疆拍攝絕對值得:「嗰個環境真係好靚,後面係雪山,前面就係懸崖,我諗自己去旅行都好難去安排咁完美同咁完善嘅旅程。」

家樂在凌晨時段突然有感而發。(FB圖片/@吳家樂Carlo Ng)

仲有一段!(FB圖片/@吳家樂Carlo Ng)

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。