梁競徽八一建軍節發文「送上特別敬意」 內地網民激讚:香港希望

撰文:
最後更新日期:

唔少內地網民都話估到唯唯今日一定會發文祝賀八一建軍節。

今日係中國建軍節,一班熱愛祖國嘅藝人當然要表心跡。早前因「被參加」遊行而怒刪IG嘅梁競徽 (前名:梁烈唯),今早在微博上載紅底白字「81」圖片,並發文表白「在這個特別的日子,送上特別的敬意」並附了加油的公仔打氣,值得一提,梁競徽仍然係用緊華為手機,身體力行表現出愛祖國用國貨。

唯唯熱烈祝賀八一建軍節。

對於梁競徽呢種高尚嘅愛國情懷,唔少網民都表示讚好,亦紛紛留言叮囑佢要注意安全,亦有留言表示「香港現在這樣子,你是公開藝人還這樣支持,真係好捧」、「你這樣三觀正的藝人,才是香港未來的希望」
 

溫兆倫都有向祖國表心跡。

而同樣都係愛國之星嘅溫兆倫除轉發、讚好駐香港部隊隊官博影片外,更上載由佢作曲、作詞嘅《愛在戰火紛飛時》歌曲,完完全全感受到佢有幾愛國。

3年前曾為何君堯拉票嘅陳小春,今日在微博轉發了「駐香港部隊」微博的防暴演練短片,並發文表示:「八一建軍節快樂」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。