【1圈圈】張振朗自爆用一年療情傷 大讚現任女友楊偲泳人品好

撰文:
最後更新日期:

張振朗(Owen)最近在無綫(TVB)劇集《包青天再起風雲》中飾演展昭,雖然穿上古裝的他看起來較為瘦削,但其實一向有操Fit身形的他,絕對是一名肌肉男!作為近年備受力捧的小生,Owen不止戲劇作品一部接一部,合作的演員更位位都是女神級,一度被指是女神收割機。不過Owen日前接受電台節目《1圈圈 星光背後》訪問時,就透露只跟一位圈中女星拍過拖,而且還花了1年時間才能走出情傷。

張振朗(Owen)在《包青天再起風雲》中飾演展昭。(劇照)

其實Owen好大隻,腹肌好明顯!(IG@owencheung)

Owen曾與多位TVB花旦、小花合作,不時傳出緋聞,對象包括胡定欣、龔嘉欣、陳瀅、陳芷尤等,不過他就澄清只與陳芷尤有過一段情,兩人同為第25期藝員訓練班的同學,一開始是地下情,之後才慢慢浮面,可惜他們在去年4月宣布分手。外界一直以為他們這段情維持了3年,但Owen在節目中就自爆其實兩人拍拖5年幾,還剖白分手的原因:「可能大家追求嘅嘢唔同咗啦,佢去咗新加坡發展,咁我喺香港,可能大家嘅目標唔同咗,所以就分開。」

Owen接受電台節目《1圈圈 星光背後》訪問,剖白心聲。(YouTube影片截圖)

雖然Owen與現任女友楊偲泳(Renci)感情穩定,但他坦言當初花了不少時間才能治癒情傷:「都差唔多成年,好唔開心,好傷心嘅。最慘就係咁唔開心嘅時候,仲要走去開劇,心理質素係要調節得好好。幾辛苦,但冇辦法,人總要向前看,你冇嗰段咁辛苦嘅經歷,點會覺得其他時光會開心呢?最緊要係都過咗去。」

Owen曾與陳芷尤拍拖5年幾,去年兩人在IG宣布分手。(IG@xoxoapo)

陳芷尤不時在IG分享性感相。(IG@xoxoapo)

+13
+12
+11

Owen透露與Renci在朋友聚會上認識,兩人不時在網上放閃,Renci更因為Fit爆身形備受關注。Owen兩任女友都身材出眾,令不少男士十分羡慕,他笑笑口表示:「咁啱啫,順眼啫,我鍾意啲眼大大,面尖尖,得意啲細細粒。(最欣賞偲泳邊方面?)細心、人品都幾好,我好愛我屋企人,佢都對屋企人都幾好嘅,呢方面我幾欣賞。同埋佢都好鍾意演戲,我哋傾戲會傾得好開心。作為一個演員,演藝生涯好艱辛,好想身邊有個伴侶陪你喺身邊傾訴一下,已經好足夠。(穩定對象?)長遠嘅嘢好難講,但現在呢一刻幾開心。」

Owen大讚現任女友楊偲泳(Renci)人品好。(IG@renciysw)

+11
+10
+9

在《包青天再起風雲》播出前,Owen已經有兩年沒有新劇出街,擔正做男主角的兩套劇《堅離地愛堅離地》及《牛下女高音》就因為受黃心穎偷食事件拖累被抽起,不過他表示從來沒有埋怨過對方:「我同心穎係朋友,我唔會做呢啲嘢,所以嗰陣話我喺廠爆粗,但廠嗰時已經拍完,出緊外景,完全冇做過呢樣嘢。」雖然暫時未知兩套劇幾時會播出,但他堅信「冥冥中自有主宰。」

Owen主演的《堅離地愛堅離地》及《牛下女高音》因為受黃心穎偷食事件拖累被抽起,但他表示從來冇埋怨過對方。(IG@owencheung)

點擊下圖睇Owen更多生活照:

+10
+9
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。