張彥博為音樂夢不惜延遲置業:將所有積蓄都拎出嚟做新歌

撰文:
最後更新日期:

張彥博周三(21日)舉行More演員會的記者會,分享了當下的心情:「心情其實有啲緊張,相隔唔夠一年再開Show,但我自己就希望每一年都見到大家、畀大家睇到我有進步。」張彥博又為演唱會特意操練身材,從他裸上半身拍攝演唱會海報就不難看出下了不少苦功:「一隻白切雞好難晒黑自己,又做好多健身,希望畀大家見到新嘅我。」

羅天宇、何廣沛、郭子豪、馬貫東亦以好兄弟身份到記者會撐場。(陳順禎攝)

《跳躍生命線》的好兄弟羅天宇、何廣沛、郭子豪亦直接到場支持,除了給予健身方面的建議,問到四人會否為演唱會準備特別的演出,張彥博笑說:「我唔洗同佢哋夾㗎喇,佢哋不嬲都騎劫我演唱會;同埋佢哋自由出入加嘛,指住自己就行得入去。」說到兄弟的作用,張彥博說:「最緊要佢哋肯包飛就得喇!有人生日嘅時候飲多咗兩杯就話Double、Double買啊!」

+5
+4
+3

張彥博又將本來是置業首期的六位數字儲蓄用來打造了三首新歌,接下來亦會到馬來西亞錄歌:「今次好特別,因為之前都係自己一腳踢,自己曲詞編監唱彈,因為平;今次就將所有積蓄都拎出嚟做新歌,因為自己仲有唔少不足,所以希望同唔同音樂人合作提升自己。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。