梁競徽微博點讚人民日報po「香港是中國的 輪不到你們說三道四」

梁競徽a.k.a梁烈唯早前屢被網民惡搞改圖「被遊行」，最後搞到佢要停用IG、facebook，並喺微博發文表示：「等我話你知～～鑑於有人在 ig 用本人的名義開設假帳號，本人特此通知，本人已經沒有任何ig或FB的帳號！往後亦不會有！ ​​​​」

喺微博簡介上寫上「CN我是中國人」嘅梁競徽a.k.a梁烈唯，今什上載了幾張北京紫禁城嘅照片，並表示：「太激動，太開心了」睇嚟呢日佢係以《大太監》中飾演嘅皇帝同治身份返屋企……不過，最值得大家留意嘅係梁競徽a.k.a梁烈唯，喺今早手動點讚了由中國青年網轉戴人民日報嘅置頂文章，內容係「#香港是中國的#輪不到你們說三道四!)，與此同時，梁競徽a.k.a梁烈唯亦點讚了央視新聞有關「鄧小平說」嘅文章。雖然喺修訂《逃犯條例》事件中，梁競徽a.k.a梁烈唯未有跟從一眾愛國藝人做護旗手，但單從佢嘅點讚內容，相信絕對令內地網民感到滿意！