鄺潔楹住大埔獨立屋係隱藏富千金 擁跑馬地物業:投資係家人負責

撰文:
最後更新日期:

鄺潔楹認有同屋企人一齊投資物業,但否認自己係「富千金」。(judy.kwong@ig圖片)

因《3日2夜》而備受關注嘅鄺潔楹(Judy),近日除主持《香港美食一條街》,又被安排加入《愛•回家之開心速遞》,曝光率大增同時,近日有報道指鄺潔楹除與屋企人住大埔二千呎獨立屋之外,名下仲擁有跑馬地豪宅及一間投資公司,名副其實係小富婆。

報道出街後,鄺潔楹話屋企人最擔人係以後出街要唔要打扮得企理啲。「佢哋始終係圈外人,唔想太過被關注。」(judy.kwong@ig圖片)

對於有關道導,鄺潔楹接受《香港01》訪問時透露內容並非百分百準確。「我係同屋企人一齊投資物業,因為佢哋好早已經灌輸投資概念俾我,但我真係唔係所謂嘅富千金或者小富婆,如果係我出入都有司機接送啦。」鄺潔楹表示自己一直以來都是腳踏實地工作,亦有按時俾家用父母,希望大家唔好因為報道而忽略了她的工作表現。對於報道中提到父母經營傢俬生意,鄺潔楹表示爸爸媽媽只係生意人,哥哥則從事金融業。「所以好多投資決定都係屋企人負責,自己叫做有啲積蓄,目標係31歲可以夠俾首期,完全唔需要靠屋企人嗰隻。雖然無真係去睇過樓盤,但有時經過地產鋪都會睇下,因為都要知道樓價嘛。」

鄺潔楹有意搬到將軍澳區,以方便拍劇。(judy.kwong@ig圖片)

鄺潔楹目前與家人同住淺月灣的獨立屋,但最近由於拍劇關係,令她有意搬到將軍澳區,一來可以爭取更多睡眠時間,二來可以試下獨立。訪問中,鄺潔楹多次強調自己入行至今一直都非常努力工作,並謂自己只係來自「普通family」,似乎十分擔心被標籤為「富千金」。

+13
+12
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。