方力申退役15年後再參賽得第三名兼受傷:對眼咁又游成咁雙重打擊

撰文:
最後更新日期:

方力申係出名嘅飛魚王子。(IG:@alexfongliksun )

職業運動員體能需求極高,佢哋嘅職業生涯年期相對較短。方力申當年係有名嘅飛魚王子,曾經為香港贏得唔少獎項,退役後加入娛樂圈發展。去年重投泳壇開設游泳學校,更準備為慈善參加11月嘅環島泳﹗呢日佢參加退役15年後首個游泳比賽,點知搞到要入院治療,令佢大受打擊。

退役15年後的首個比賽,小方得到20-39歲組別第3名。(IG:@alexfongliksun )

小方14號參加一項5公里泳賽,由赤柱碼頭游到淺水灣,最終得到該組別第三名。點知賽後小方於醫院拍片,原來佢雙眼疑似受感染,非常紅腫連眼都擘唔大,佢話:「臨到最後衝線時,拎起泳鏡過頭時可能有嘢入咗眼,上水後就好腫不停流眼水……醫生話微絲血管腫得好利害。今日好倒楣,游水時狀態唔好,中間撞到石頭,對腳撞到石頭損損地不過唔係好嚴重,嘔完對我有一重打擊,對眼咁又游成咁雙重打擊,信心要有實力先可以提升,宜家時日無多我都唔知可以做啲咩提升啦,唉。」

除咗雙眼紅腫不停流淚,小方嘅手腳都被石頭整損。(影片截圖)

離開醫院返到屋企後,小方再留言報平安:「(報告一下,我的眼睛仍然腫腫紅紅痛痛的,但沒有之前那麼嚴重。)今朝參加的比賽,是我退役15年後的首個比賽,亦是我人生首個Open water 渡海泳的比賽。講真,我從來沒想過我會再比賽,結果,我在20-39歲組別中得第三(有冇差咁遠呀,我19年前20歲的時候去奧運㗎,今日嘅我只係去奧運站咋)不過名次其實不是問題,問題是我今日游得不好,5公里的比賽,我沒有一段距離是在狀態的,我更撞到石頭擦傷,又游歪了綫路差些錯過終點。總結:熱身不足,經驗不足,訓練不足,實力不足等等。我會谷底反彈的,等我,晩安。」

小方對呢次表現相當不滿受多重打擊。(IG:@alexfongliksun )

在 Instagram 查看這則貼文

希望快啲好返 #alexstrivesforwater #45公里香港環島泳 @adropoflife

Alex Fong Lik Sun(@alexfongliksun)分享的貼文 於 張貼



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。