羅蘭連續十年打造獨特哈囉喂角色：最深刻都係做聖羅蘭
撰文：葉詩
出版：更新：
羅蘭周四（19日）出席海洋公園哈囉喂全園祭揭幕禮，這也是她第十年參與哈囉喂活動，打造過不少深入民心的哈囉喂角色：「十年嚟每一年做嘅角色都唔同，最深刻都係做聖羅蘭、仲有Michael Jackson，早幾年又有同家英哥（羅家英）、音音姐（邵音音）、夏蕙姨（黃夏蕙）合作，都好開心！」問到接下來有沒有想合作的對象，羅蘭姐就笑說：「個個都係好，要睇返公園嘅設計需要咩角色，我都係拍嗰陣先知。」
羅蘭姐連續第十年參與哈囉喂活動，獲海洋公園頒發「哈囉喂榮譽龍婆」獎座。（陳順禎攝）
至於今次與馬來西亞甜美系女神林明禎合作，羅蘭姐直言事前並不知情：「到拍攝嗰日佢嚟化妝，我覺得呢個妹妹咁靚，嗰刻先知佢做我孫女。」羅蘭姐又大讚林明禎：「佢好乖，睇落去似15/16歲嘅妹妹，感覺好親切！」問到羅蘭姐相不相信鬼神的存在，她就說：「鬼、神應該呢個世界都係有嘅，所以有啲人會讀神學，至於信唔信就在乎每一個人。」
羅蘭姐與海洋公園合作十年只因彼此已經熟絡，累積了深厚的感情，而且工作人員也很尊重老人家。（陳順禎攝）
點擊圖輯看哈囉喂精彩表演節目～
+6