陳倩揚兼顧家庭工作仲要湊仔 直播卸妝有勇氣:做媽媽充滿挑戰

撰文:冼燕珊
出版:更新:

前香港小姐陳倩揚2015年與TVB約滿之後離巢,已為3子女之母的她,近年除了主持港台第一台節目《精靈一點》和港台電視節目《日常八點半》,還有擔任活動司儀,同時亦有攻KOL戰場,分享美妝及親子生活,早前更直播卸妝,以最真面目示人,非常有勇氣!

倩揚同時兼顧家庭和工作毫無怨言,覺得照顧小朋友的過程全部都係開心的印記。(陳倩揚FB圖片)

倩揚育有3個子女,分別9歲、4歲和1歲,由於兩個工人姐姐同時離職,所以她這段時間全力負起照顧家庭的責任,買菜煮飯洗碗一腳踢,同時又要做電台主持、活動司儀,亦未有停止直播分享,為母則強,非常厲害!不過倩揚照顧小朋友不覺得辛苦,她回覆《香港01》訪問表示:「其實一定唔會係用『辛酸』黎形容,一來路係自己選擇嘅,二來見證住幾個小朋友嘅成長,湊小朋友的確係唔容易,每一日都同佢哋同步學習、共同成長,做媽媽嘅路上充滿挑戰,邊做邊學,無話辛唔辛苦嘅,呢啲全部都係開心嘅印記,每一刻都充滿驚喜同滿足。」

倩揚亦慶幸另一半好幫到手,她才可以抽空兼顧工作,「老公一直都係一個神助手,家務湊仔樣樣都會做,仲有婆婆,嫲嫲得閒嘅話都會過黎湊吓孫,忙係忙啲,但都繼續可以安心返工,喺屋企又可以抽到時間同大家分享好物、分享生活趣事。」

+4

作為一個Key Opinion Leader,倩揚堅持親自試用產品,所以早前推介卸妝水,亦大膽直播卸妝,以素顏示人,童叟無欺,「每一款我會同粉絲分享的產品,我都一定會自己親身試過先推介俾大家。因為想俾觀眾見到最真實的效果,所以唔會『出貓』,同埋今次都唔係第一素顏,之前化妝、落妝、洗面、敷面膜咩都做過,跟開嘅粉絲都睇慣哂。我落街買餸湊小朋友返學都係素顏見街坊,見慣嘅都知㗎啦,工作岡位、鏡頭以外嘅我都係同大家一樣,都係做返人哋個老婆同我幾個小朋友嘅媽媽。」

除了照顧家庭之外,倩揚亦有做電台主持和活動司儀。(陳倩揚FB圖片)
+3