傳黃浩然離巢無綫轉投古天樂旗下 一年拍足5部劇冇獎攞勁灰心

撰文:鄺鈺瑩
出版:更新:
有傳《法證先鋒IV》重拍係黃浩然唔續約嘅最大導火線。(IG圖片)_

無綫近年鬧小生荒,令到非親生仔嘅黃浩然高峰時期一年拍足五套,最終捱出怪病來,患上罕見的「貝塞特氏症」,停工養病期間損失百萬。之不過,辛苦喺無綫唔一定有回報,有傳44歲嘅黃浩然一直為自己「冇獎」而耿耿於懷,加上因受黃心穎「安心偷食」影響,《法證先鋒IV》需要補拍,令病癒後刻意減嘅黃浩然甚為不滿,考慮離巢,並轉投古天樂旗下公司,再戰電影圈。

黃浩然喺2014年捱出嘅罕見的「貝賽特氏症,康復後佢全面減產,將重心轉回家庭。

如果屬實的話,黃浩然有份主演嘅《多功能老婆》將會係佢離巢前最後一套作品。《香港01》就離巢一事曾向黃浩然了解,但暫時未有回覆。

如果真係離巢重返電影圈的話,《多功能老婆》將成黃浩然喺無綫最後一套作品。(資料圖片)