【娛樂大家】王灝兒玩《狼人殺》 神級演技殺狼王：唔信我係好人
撰文：吳子生
出版：更新：
王灝兒（JW)周四（24/10）現身將軍澳電視城為無綫綜藝節目《娛樂大家》進行錄影拍攝工作。JW直言做足準備功夫，將會戰鬥到底：「我知道其他嘉賓佢哋玩《狼人殺》係高手，所以嚟之前我睇返晒之前咁多集先嚟，不過頭先喺試玩嘅過程中，我將自己嘅底牌畀顯露咗出嚟，咁所以佢哋對我都好避忌，就算我攞住張好人牌，佢哋都唔會信我，所以我有啲驚，頭先我唔應該咁衝動，不過頭先有四隻狼，死淨一隻狼，當時我手揸住刺客張牌，到最後我將隻狼殺死，嗰局贏咗。」
JW透露自己對《狼人殺》遊戲玩法並不太熟悉，都是摸索階段。（陳順禎攝）
薜凱琪、王灝兒、何超蓮和丁子高齊齊現身電視城，為綜藝節目《娛樂大家》進行錄影拍攝工作。（陳順禎攝）