【流行經典50年】馮盈盈伴舞表情交足戲 嚇到張頴康都唔敢睇?

撰文:
最後更新日期:

馮盈盈嘅魔音不時都會喺《後生仔傾吓偈》聽到,所以佢今次上《流行經典50年》決定伴舞,或者係因為少伴舞,所以唔係好控制到啲表情。

最新一集《流行經典50年》搵嚟《解決師》嘅幾位主角:王浩信、張頴康、馮盈盈、黃嘉樂、莊思敏等人做嘉賓。王浩信話晒都係歌手出身,唱歌又點難到佢,唱完《至少還有你》再嚟多首《到此為止》,情深款款冧死唔少觀眾。
 

想撲蝶?

輪到張頴康同馮盈盈上場時,馮盈盈表示:「其實我都想唱歌,但係因為我歌聲實在太好聽,我驚我唱的話,會擔咗穎康風頭,所以我決定都係做佢背後嘅女人,為佢伴舞就ok。」張頴康選唱《幾分傷心幾分癡》,佢拖住FYY出場後,一個情深對望再一個擁抱,分手之後,FYY不停四處尋找張頴康,或者係因為怕觀眾get唔到佢做緊咩,所以FYY每一個表情同動作都好用力(甚至可以誇張去形容),結果成首歌就係張頴康好專注咁去情深(呆樣),而FYY就好似做大戲咁,每個表情都為觀眾帶來無窮的歡樂……雖然FYY咁用力去伴舞,但張頴康接受訪問時,都忍唔住話:「佢排咗幾個鐘頭,到我哋彩排時,我都問佢排咗啲咩嘢,你話嚟跳舞,你嚟行路咋喎,喺我旁邊鬼影重重轉來轉去咁。」睇嚟FYY今次over咗 !
 

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。