張慧儀衣錦還鄉相隔廿幾年再於大馬得獎:上次拎國際華裔小姐冠軍

撰文:
最後更新日期:

張慧儀日前遠赴馬來西亞吉隆坡,出席「第五屆世界傑出大師頒獎典禮」,更榮獲「亞洲傑出女藝人大獎」及「最佳服裝獎」,第二次在家鄉得獎感光榮,笑言覺得有衣錦還鄉嘅的感覺:「因為第一次就係1992年國際華裔小姐冠軍,事隔二十幾年再次得獎,心情就好興奮!心情上同當年都有好大分別,因為當時我立定決心要去香港發展,今次就係二十幾年之後,得到鄉親父老肯定我的工作,所以真係好興奮!」

張慧儀出席「第五屆世界傑出大師頒獎典禮」

慧儀更揚言自己全面復出,向電影電視全面進攻:「我攞完獎之後,就要急急腳返香港,因為要開部電影埋位啦,一直拍到過年,抖一陣就要要拍電視劇,所以今年聖誕冇得放假,等過年可以返鄉下過節。」 她笑指自己安排工作時間巧妙,不會冷落愛兒:「我咪等佢返學時就努力工作,等佢放假、大時大節咪一齊過囉!何況佢到大個啦,要比機會佢學習獨立。」

張慧儀穿著性感晚裝出席頒獎禮,她笑指做足「打底」措施:「我著晒打底褲,因為件衫真係好靚,要多謝個設計師Daniel & Leslie專登為我做衫,最終攞咗個最佳服裝獎,都算對佢地有個交代。」 

相隔廿幾年再喺家鄉得獎,慧儀坦言感覺相當奇妙。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。