羅天宇希望有女友同渡聖誕:見到人哋一雙一對都會想

撰文:
最後更新日期:

羅天宇(Joey)周三(4日)出席《愛地球 過聖誕》的活動,談到剛剛完成電視劇《大步走》的拍攝:「個角色其實幾似自己,所以好快就Catch到個角色。」Joey又說到在劇中與劉穎鏇有愛情線,二人一冷一熱正好互補;最近Joey又正在為新戲做準備:「知道會有少少除衫嘅戲份,所以而家要努力戒口、做多啲運動,希望聖誕節可以食餐好嘅,留返啲Quota食嗰一餐。」

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

羅天宇、蔣家旻、胡㻗以三兄妹的身份出席《愛地球 過聖誕》活動。(梁碧玲攝)

在電視劇《她她她的少女時代》中,羅天宇的一場淋浴戲展示了他的好身材,讓不少觀眾大呼很是吸睛; 問到是否自此以後,監製紛紛紛要求他展示健身成果,Joey說:「只係咁啱劇情需要啫,但為咗拍好嗰場戲,真係要做好準備!始終啱啱拍完劇感覺好似突然放鬆咗,好想Relaxed下、懶下,但下套劇接住落,所以盡量Keep得幾Fit得幾Fit。」 在尺度方面,Joey亦表示作為演員應該有新嘗試、尋求突破。

【收視滯後報告】《鳳弈》打破《蘭花刼》最低紀錄

從台慶大合照看藝人勢力排行 馬國明地位大增今年隨時拎視帝

羅天宇剛完成電視劇《大步走》的拍攝,在劇中飾演一個不太宅的宅男。(梁碧玲攝)

說到即將到來的聖誕佳節,Joey說:「希望同屋企人一齊過,因為之前多數都係拍劇,今年咁啱有空檔,一月會開新戲。(家人會否催促帶另一半回家?)屋企人冇問呀,都係叫我努力啲做嘢,畀心機搵多啲錢先,將來再算。」問到會否希望快點找個女朋友一起歡度佳節,Joey說:「見到人哋一雙一對咁都會想(拍拖),都要遇到先,暫時仲未有。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。