因《願榮光》壓力取消叱咤頒獎禮? 森美:你哋肯投我哋就肯頒

撰文:
最後更新日期:

香港商業電台周三(4日)宣布取消原定於2020年1月1日舉辦的《叱咤樂壇流行榜頒獎典禮2019》,改以其他形式頒發全數共43個叱咤獎項。作為商台DJ的森美(Sammy)在出席時尚雜誌活動接受訪問時說:「都係形式上嘅改變,以前都試過分開兩晚,今次用新形式係同時勢有關,我諗唔會影響大家投票。」森美又透露商台正在尋找方法向大眾宣佈獎項結果。

Version 3

《01最賞睇娛樂大獎》「最有話題新聞」包括我最喜愛男歌手、車廂偷食等統統上榜!立即投票贏取超過70萬元豐富獎品,包括終極大獎旗艦手機11 Pro Max,同埋01積分等。

森美入行到現在做了那麼多年《叱咤頒獎禮》,為演出未能如期舉行感到可惜。(梁碧玲攝)

有報道指叱咤取消頒獎禮的原因為網民希望投選《願榮光歸香港》為年度「我最喜愛的歌曲」,森美就否認與歌曲敏感有關:「頒獎分為兩部分:一個係專業投票、另外一個係網民投票。我自己喺台上面頒咗咁多年獎,曾經喺舞台上講過:『你哋肯投,我哋就肯頒!』樂迷投咗嗰首歌就係嗰一首!」問到會否有政治上的壓力,森美否認道:「雨傘運動嘅時候我哋都有頒(2014年我最喜愛的歌曲大獎為《撐起雨傘》),所以我覺得唔會係;我覺得政府都唔會俾壓力,呢個係基本嘅言論自由。」森美又以區議會選舉作例:「係市民嘅決定政府都要尊重!加上只係樂迷喜歡邊首歌!」

森美又談到DJ們在播放歌曲上亦沒有任何壓力:「每一個DJ都可以決定揀咩歌,如果有壓力的話,電台直情唔可以播某啲歌曲啦!」(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。