【潮流日常】楊丞琳率先示範 PANTONE公布20年度色「經典藍」 

撰文:
最後更新日期:

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro Max、Dyson風筒,仲可以有01積分換唔同禮品!

Pantone公布Classic Blue為2020年度代表顏色(Pantone官網)

Pantone係全球權威開發同研究色彩嘅機構,每年12月都會公布下一年度嘅代表顏色,呢隻顏色會成為時裝、婚禮以至建築界來年指標性色調。2019年係充滿活力嘅活珊瑚橘(色號16-1546),而2020年代表色則為Classic Blue經典藍(色號 19-4052)﹗

經典藍帶俾人寧靜又高貴嘅感覺。(Pantone官網)

藍色俾到人相當寧靜安穩嘅感覺,衣著襯衫方面亦係相當穩陣嘅顏色,係唔少名人至愛。呢隻咁有貴氣嘅藍色,英國凱特王妃算得上係代表人物,佢每次現身,有6成時間都以不同深淺嘅藍調衣物亮相。

英國凱特王妃最愛以經典藍示人(視覺中國)

除咗凱特王妃,其實唔少圈中人都喜歡呢種經典藍,好似楊丞琳最近就著上Classic Blue連身長裙現身,淨條裙只得一種顏色亦絕不單調,小小斗篷設計遮手臂之餘亦相當有層次,簡單配以長曲髮及誇張系耳環,感覺既舒服又奪目。

走在潮流尖端嘅楊丞琳,早前以Classic Blue連身長裙示人(IG:@rainie77)

+2

另外早前Rainie喺新加坡站演唱會,其中一件歌衫亦用上Classic Blue,透視紗網狀層層疊疊,既有壓台感亦不失仙氣,果然係走在潮流尖端。

早前新加坡站演唱會,Rainie其中一件歌衫都用上經典藍色(IG:@rainie77)

除咗Rainie之外,迪麗熱巴、容祖兒等都有以Classic Blue色調示人,點擊睇下佢地點配襯:

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。