《超級巨聲》陳康健捱足十年 為理想終離開TVB:感恩但唔會眷戀

撰文:
最後更新日期:

參加無綫(TVB)歌唱比賽《超級巨聲》而入行的陳康健,唱功非常了得,當年更有「港版曹格」之稱。可惜加入TVB後一直未有發揮機會,亦鮮有在劇集裡看到他的身影。陳康健近日在社交平台上宣布離巢,結束與TVB十年的賓主關係:「人生有幾多個10年?10年的人生經驗是一個里程碑,十年有苦有樂,有酸有甜..從今日起這個里程碑應該要終結,要開始新的一頁,不錯,我要離開tvb了,感激有超級巨聲,感激一切給我的經歷...下個里程碑,希望仍然走(有)你地(哋)陪我走得更美(遠)!」

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro MaxDyson風筒,仲可以有01積分換唔同禮品

陳康健在Facbook宣布離巢。(陳康健Facebook截圖)

與TVB十年的合作關係,陳康健接受《香港01》記者訪問時解釋離開原因,更表示這段時間十分感謝公司︰「真係好感恩,《超級巨聲》嗰時幫到我好多。我感恩但又唔會眷戀,始終我係一個歌手,但變咗做藝員。我IgG4(罕見免疫系統疾病)令我入唔到劇組,都好驚累到人,咁好似冇咩意義,唱歌又排唔到我。同埋對拍劇,我冇野心。但唱歌我有!」

康健真係好鍾意唱歌,離開TVB之後專注唱歌。(IG/ @oilchan329)

離開TVB並沒有為康健的生活帶來負擔:「我一路都係教唱歌,又有去busking同出騷,收入主要靠呢啲。(有咩去向?)會keep住教唱歌,暫時未知有咩打算,好希望有地方容納我嘅歌聲,會自己努力畀成績人睇。」康健患上罕見免疫系統疾病,身體器官會受到免疫系統攻擊而纖維化或增生腫瘤,使器官功能受損,康健直言未來會將身體放第一位:「我幾享受人生同過程,相信自己會好返。睇得好輕,要計自己體力可以做到幾多,係對大家的交代。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。