商界女神胡曦文宣佈與金融才俊男友訂婚 大讚未婚夫：有靈性
撰文：吳子生
出版：更新：
聖誕就到，準備好禮物未？投【01最賞睇娛樂大獎】，有大把禮物抽喎！超過70萬元豐富獎品，包括旗艦手機11 Pro Max、Dyson風筒，仲可以有01積分換唔同禮品！
曦文盛裝出席「童心同樂慈善夜」晚宴。（陳志嵐攝）
有商界女神之稱的胡曦文（前名胡敏珊），身穿性感低胸晚裝裙現身紅磡出席「童心同樂慈善夜」晚宴，盡顯女性個人時尚獨特韻味。曦文透露自從睇相改名後，事業愛情兩得意，並宣布與金融才俊男友訂婚：「其實我同佢認識都幾特別，因為大家都做唔同嘅慈善公益而認識，起初都係朋友開始先，係近呢兩年大家嘅關係比較close，發覺彼此之間都好夾，原來好多嘢都好志趣相投。」
曦文自從睇相改名後，事業愛情兩得意，並認識現任未婚夫。（陳志嵐攝）
問到男友係咪好高大靚仔，曦文直言：「以前就好鍾意靚仔，第一件事都係揀靚仔，但宜家就覺得順眼就已經Ok，其實最緊要都係心地好，要聰明又孝順屋企人，同埋要有靈性，因為有靈性嘅嘅人，你唔需要擔心佢做啲對唔住你嘅嘢，因為佢會自我檢討有咩地方做得不足，咁所以只會越變得越好。」
曦文大讚未婚夫夠溫柔體貼又細心。（陳志嵐攝）