【全民造星II】上屆花姐一口氣簽16人 今年邊幾位最有機會加盟?

撰文:
最後更新日期:

ViuTV年度重磅選秀節目《全民造星II》,經過大半年的競賽於周日(15日)正式落下帷幕,最終由大熱Phoebus(吳啟洋)奪冠,而MC(張天賦)與Oscar(李祉均)則分別奪得亞軍和季軍,為節目劃下完滿句號。對比起第一季,節目的關注度與討論度高了,廣告亦因而接踵而來,在節目尚未播完之際,已經先後有各類型的廣告出街,反映《全民造星》人氣之高漲,並獲得商業品牌認同。

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro MaxDyson風筒,仲可以有01積分換唔同禮品

Phoebus在總決賽前已接拍單人廣告。(Facebook/@bossini)

《全民造星II》參賽者們有份出演的廣告暫時有四個,包括:廣受觀眾所喜愛的美聲組合B4組成員MC(張天賦)、Justin(陳樂)、Eagle(陳天翱)、June(梁瑞峰)拍攝床上用品品牌廣告;Phoebus、Tank(梁德忠)、George(歐鎮灝)拍攝某服裝品牌聖誕廣告;Phoebus、George連同節目監製花姐(黃慧君)及MIRROR成員Edan(呂爵安)拍攝個人護理產品連鎖店廣告,更推出冠名贊助節目《花姐鬥Shopping》;而冠軍Phoebus亦單飛接拍某服裝品牌冬季廣告,言即Phoebus已有3個廣告在手,相比去年的姜濤,Phoebus今年更早接到單飛廣告,廣告亦較多,甚得商業品牌歡心。

+13
+12
+11

花姐認《造星II》市場反應好 品牌自行找心水參賽者拍廣告

節目監製花姐在接受訪問時承認,今屆《全民造星》的市場反應比去年好:「《造星I》時大家都未係好熟悉個節目係點,今年知道咗(客戶)會投放多啲資源都正常;雖然收視冇隔籬台咁高,但有所增加都證明多咗人留意節目。」至於參賽者們接拍廣告,花姐說通常是由品牌提出:「啲客心目中有對象就透過我哋搵佢哋(參賽者),始終《造星II》班人我哋未簽,未係屬於我哋(ViuTV)。」所以客戶多與公司銷售部聯絡,花姐也不太清楚他們之間的條約與收費。

至於有傳言說Phoebus與George是因為經已簽約ViuTV才能接拍廣告,花姐則回應道:「我未正式簽任何人,我哋同某啲參賽者仲傾近合作關係。」她續言:「其實只係大家(指大眾與客戶)都見到呢個人有潛質;粉絲或者觀眾會幻想呢個係花姐嘅愛將,其實我冇能力令個客鍾意呢個人。」

花姐坦言《造星》完結後未必可以和所有人合作:「希望有客戶欣賞佢哋,咁個節目都算幫到佢哋,呢半年努力唔會好似冇成果咁。」(資料圖片)

三甲未落實簽約ViuTV

《全民造星II》在總決賽後正式落下帷幕,花姐坦言正在認真思考合約的問題:「當然冠亞季軍係我哋最優先接觸嘅,而家仲傾近點合作;上年第一年好清楚要組男團,但而家已經有MIRROR,就要小心諗清楚嚟近要點做,我都唔想浪費佢哋嘅才能同時間,畢竟上年已經簽咗16個人(包括ERROR)。」至於本季參賽者會否成為MIRROR成員,花姐說:「現階段仲集合近MIRROR嘅意見、老闆嘅意見先作決定。」花姐認為接下來第二季參賽者一定與MIRROR有合作機會:「但係咪入MIRROR我就未答到大家。」

點擊圖輯看總決賽當日靚相!!!

+45
+44
+43

至於有沒有組另一個新男團的想法,花姐說:「我冇諗過,其實人手就得我一個,要做多個團要有好多資源、人力、物力;我最開頭係好想嘅,但我好驚冇MIRROR咁好,或者係新團同MIRROR要有咩唔同,呢樣係好難。」談到心目中的簽約人選,花姐就回應道:「我唔係要隱瞞,而係要好小心去諗,我應該坐低同我想合作嘅參賽者慢慢傾清楚方向,再決定都未遲,唔可以輕舉妄動。」至於人名,花姐認為未落實就先不說了。

另外,在總決賽擔任評判的林珊珊在比賽完結後接受訪問時表明說想簽Justin,花姐就說:「呢啲就要上頭(魯生、金生)去傾,如果有咁嘅機會,參賽者可以去唔同公司發展,《全民造星》都幾成功!我希望見到呢啲畫面。我覺得娛樂圈係大同,如果節目可以令其他公司發掘到啲有潛質嘅人,一齊令樂壇興起,都係一件好好嘅事。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。