張沛樂回復單身  預告為電影犧牲挑戰性感極限:我冇包袱

撰文:
最後更新日期:

張沛樂(沙律)今日(24/12)現身尖沙咀出席電影《CATS》首影禮。沙律日前宣布與拍拖三年男友林耀聲分手感情告終,回復單身。她直認年紀不輕:「今年我都28歲年紀都唔細,其實喺拍拖呢段日子,雙方其實好少溝通,感覺距離好遠,人越大價值觀都會好唔同,我係會諗將來嘅人嚟,人生咁長始終都要諗建立家庭及事業打算,如果要重新認識新嘅人,其實都幾辛苦。」

沙律與林耀聲3年情告終,此情不再。(IG圖片/@charlottecheung107)

回復單身會否為電影藝術犧牲裸露演出?沙律直言:「都未必,其實唔會因為之前有男朋友有枷鎖唔做得,其實我係冇包袱,其實如果有好嘅劇本,而有咁嘅需要我冇問題,最緊要合理又拍出嚟靚,千其唔好為賣而賣囉,始終有啲電影情節係需要,不過露點演出自己就接受唔到,到時我就行三級路線。」(會否像湯唯在電影《色·戒》中為藝術露點演出?)沙律笑言:「我覺得自己身體唔係藝術,我想內裡藝術得唔得,唔好外在藝術。」

 

沙律日前宣布與拍拖三年男友林耀聲分手回復單身。(陳順禎攝)

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。