莊端兒搵男朋友自問要求高:唔係話要超級有錢

撰文:葉詩
出版:更新:

莊端兒(Xenia)周三(25日)出席冬日美食節活動,談到聖誕節將在工作中度過:「投資生意一年多,見而家逆市租金比較平,就準備開門市,已經睇埋舖,於是喺到做個推廣。」Xenia又談到生意比預期中好:「我哋唔夠貨賣,要叫司機不斷車啲海鮮過嚟!」

莊端兒擔心租金負擔重,但希望有危有機。(梁碧玲攝)

除了工作,問到會否約朋友開派對、見個面,她說:「追我嘅人都有嘅,但我都未得閒覆,未有時間約會;希望有緣人等下我,我暫時都會專注喺工作方面,做好自己可能吸引到更好嘅男朋友。」Xenia又自問要求高:「唔係話要超級有錢,但希望佢專一、細心、照顧屋企人、錫曬我,原來都唔易搵!」Xenia希望有拖拍:「想快啲結婚添,暫時未有啱嘅人選,可能唔覺意我會閃婚呢!」