武打女星楊柳青打到傷患纏身 苦不堪言:搭飛機個膝頭會好痛

撰文:
最後更新日期:

楊柳青(Wiyona)今日(28/12)現身尖沙咀出席自己有份主演的動作電影首映禮。Wiyona透露這套電影期待了兩年多時間,今日終於面世心情超興奮:「其實呢部電影拍攝用咗二十多日時間去完成,但就等咗好耐都未知幾時上映,呢段期間大家心情都比較忐忑。」

Wiyona拍武打戲導致周身傷,每逢翻風落雨舊患復發,叫苦連天。(陳志嵐攝)

此外,Wiyona直言選擇行武打女星之路十分艱苦,少不免都會打到周身傷,每逢翻風落雨舊患復發:「我條肋骨之前受過傷,如果撞到嗰個位又或者大力吸氣,個胸口會覺得有支骨插住咁樣係好辛苦,亦試過搭飛機嘅時候,膝頭會好痛,不過我要選擇行呢條路我就預咗,惟為盡量做足安全措施,保護自己唔好俾自己受傷。」

Wiyona直言自己選擇行打女路線,明白少不免都會有受傷機會。(陳志嵐攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。