陳慧敏埃及之旅險被性侵 心情未平復猶有餘悸:好似有軀殼冇靈魂

撰文:
最後更新日期:

藝人陳慧敏早前在100天獨遊之旅期間,在埃及征途上差點被性侵,慶幸自己在情急智生下逃出魔爪,並在社交平台披露事發經過,事情引起不少網民關注。今日(6/1)陳慧敏現身新城電台,為新歌《莫名哀傷》宣傳造勢。慧敏接受《香港01》訪問時提及到當日不愉快事,心情猶有餘悸:「其實我都覺得自己當日係好天真咁去旅行,但如果太多顧慮人生有好多嘢都做唔到,事發後,我有成個星期都唔知做緊乜,個人好空洞,好似有軀殼冇靈魂咁,唔開心到要同自己剪頭髮,搵啲嘢俾自己做,個陣時啲朋友都知我即刻返香港,但我冇選擇到,而係改行程去咗土耳其療傷,希望忘記傷痛。」

陳慧敏透露每天都會與男友透過手機短訊保持聯絡。(陳順禎攝)

被問到案發後為何不即時報警處理?慧敏直言:「我係冇做到,原因係佢冇做過對我超過嘅事情,一開頭佢話幫我按摩,然後佢就拉高咗我件衫之後摸我,又攬我條腰又抱起我坐佢大髀,又喺我耳邊除聲細氣講嘢,又叫我深呼吸,嗰一刻我就覺得好奇怪,然後發覺佢唔係幫我按摩,只有一種被摸嘅感覺,呢嗰個程雖然有十分鐘時間,但感覺就過得好漫長,最終幸運地冇事,自己覺得係一個對自己好大嘅教訓。」

經過埃及不愉快經歷,慧敏直言自己太過天真,缺乏危機感。(陳順禎攝)

事後慧敏抱著空洞的情緒去到土耳其,繼續展開新的旅程,在旅館認識一名危地馬拉背包客男生,雙方一見如故,並在社交平台寫下「千字文」向大家分他們的愛情故事。有網民回應留言話:「事情很峰迴路轉,好睇過連續劇,係咪為新歌宣傳造勢。」慧敏笑言:「我返到嚟香港啲朋友都問我呢件事係咪真,我就同佢哋講唔係真,我又點會Post出嚟,同埋有社交平台咁耐,我係冇Post關於感情嘅嘢,所以對於我來講,係跨越咗一個好大障礙。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。