【丫鬟大聯盟】劉思希色誘謝東閔 出動「鹹豬手」:成個人擒落去

撰文:董欣琪
出版:更新:

TVB古裝喜劇《丫鬟大聯盟》正在熱播,劇中除了由月盈(黃心穎飾)、月皎(湯洛雯飾)、桐香(陳婉婷飾)、五常(張美妮飾)、珍珠(何艷娟飾)、美彩(周梓盈飾)、麗水(陳靖雲飾)組成的丫鬟聯盟成為看點之外,飾演霍家大小姐霍燕貞的劉思希(Lisa)亦備受關注。在昨晚(6日)播出的一集中,Lisa更頻頻出招色誘謝東閔,掀起網民熱烈討論!

劉思希(Lisa)在劇中飾演霍家大小姐霍燕貞,心儀傅有為(謝東閔飾)。IG@lisalauseehei)
燕貞打扮性感,精心佈局去色誘老師傅有為。(YouTube影片截圖)

劇情講到燕貞(劉思希飾)打扮性感,不但阻止月皎(湯洛雯飾)跟去西廂,更精心佈局去色誘老師傅有為(謝東閔飾)。燕貞多次出「鹹豬手」狂摸有為的胸肌,更主動除下外套性感示人,甚至大聲講道:「你想非禮就盡情非禮我啦!」燕貞還坐上對方的大髀,壓住對方餵食提子,幸好月皎及時趕到,救回心上人!

燕貞不斷出招色誘有為!(YouTube影片截圖)

點擊下圖重溫:

+9

其實今次是Lisa首次演古裝劇,而且劇中角色十分放蕩,她在接受《香港01》訪問時坦言演繹有難度:「監製要求樂而不淫,但個搞笑位好難拿捏,因為如果你做得太過就會好放蕩、好乞人憎,但如果就住做就會唔好笑,做唔到個效果。今次應該係我拍劇以嚟最放嘅一次,我平時拍好多千金小姐、乖乖女嘅角色,呢套真係又放蕩、又衰格、又鹹濕,我完全乜都冇諗去到好盡。」

Lisa表示今次是拍劇以來最放的一次。(YouTube影片截圖)

Lisa在劇中不斷色誘拍檔謝東閔,不少網民都大讚她演繹得相當風趣,大獲好評,她透露其實在拍的時候是自己主動加戲:「劇本冇寫到咁露骨嘅,好在我同東閔都好玩得,真係有啲化學作用,所以拍嘅時候大家有好多點子,加咗好多情節落去。譬如餵提子嘅時候我成個人擒落東閔度,又叫佢盡情非禮我,又揸波龍抓手,呢啲都係嗰陣時Jam出嚟。有一場講我兩隻手搭住佢個胸,我哋排嘅時候我話『喂,我真係咁樣㗎喇,揸波龍抓手㗎喇』,佢話『你咪嚟囉』,所以拍嘅過程其實係好自然、好舒服嘅。好彩最後導演話搞笑,唔會太過Sexy或者淫蕩,所以過咗。」

原來「揸波龍抓手」同呢句對白都係Lisa自己加戲!(YouTube影片截圖)

Lisa自爆主動加戲:

+9

Lisa為了拍劇豁出去,但原來之後有更大膽的戲份:「我遲啲仲會有啲好Sexy嘅場面,劇入面其實我唔單止色誘謝東閔,我仲有色誘其他人。所以我又會有出浴戲、着肚兜戲,好多好性感嘅場面。其實我私底下係好幽默風趣嘅,所以我好開心今次有呢個角色畀觀眾見到我呢一面,希望以後可以拍多啲喜劇啦。」

Lisa近年憑着《愛.回家之開心速遞》中「洋洋」一角成功入屋,深受觀眾喜愛。(IG@lisalauseehei)
+22