曹永廉警總送暖被網民攻擊 蕭正楠:台慶見佢冇咩嘢

撰文:
最後更新日期:

蕭正楠(Edwin)今日(14/1)現身將軍澳電視城出席TVB《保良愛心慶新春》錄影活動,他說新年將要分身:「要去翠如屋企同外父外母拜年,亦要同我媽咪拜年,就要忙啲兩邊走,都希望盡量畀多啲時間陪佢哋。」

Edwin穿上紅色衫,黑色西裝外套現身《保良》節目錄影。(葉志明攝)

Edwin和黃翠如剛剛去完歐洲、檳城旅行,影下不少靚相,Edwin更被翠如訓練成專業攝影師:「風景真係好靚,我俾佢train到係佢嘅專用攝影師,去到邊到一見到靚景就會叫佢過去擺pose,幫佢搵晒啲位影靚相,都算幾靚啲相。啱啱開始我影100張可能都揀唔到一張,而家係張張都靚,佢唔知揀邊張。旅行我哋都會攞機拍嘢,拍畀自己睇,特別嘅風景,限時嘅食物,拍低會好有意思。」

Edwin係翠如專用攝影師。(葉志明攝)

Edwin在活動上剛得知田蕊妮離巢TVB的消息:「之前真係唔知,因為平時見面都唔會講太多公事,都係生活嘢,聽到我都話係咩?我第一部戲同阿田拍係《巨輪》,我第一部做主角嘅戲,佢係一個好好嘅演員,但我唔會話可唔可惜。因為而家公司拍嘅劇未必係自己management嘅演員,百花齊放都係好,出去個世界又大啲,未嘗唔係好事。」

Edwin好兄弟曹永廉早前被爆到警總送暖,引起網民的不滿更被攻擊,Edwin亦有作出回應:「我又冇點問佢,噚日台慶見佢冇咩嘢。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。