張名雅大仔Mario遇意外仆崩鼻:見到咁我眼淚都標埋出來

撰文:
最後更新日期:

張名雅婚後育有兩個囝囝。(IG:@caratcheung)

小朋友鍾意跑跑跳跳無時停,擦傷撞瘀真係在所難免,做父母心血少啲都唔掂。張名雅婚後育有兩個囝囝Mario同Milo,佢亦不時分享囝囝生活點滴,呢日張名雅貼出Mario鼻樑又瘀又腫嘅相片寫上「Mario爆缸一秒變曹星如」嚇大家一跳!

張名雅大仔Mario幾個月前喺酒店發生意外仆崩鼻,見到都覺得痛呀。(IG:@caratcheung)

側面睇真係腫得好厲害!(IG:@caratcheung)

原來Mario受傷照已經係幾個月前,到完全康復張名雅先鼓起勇氣同大家分享:「有一次同Mario去玩,去到酒店佢當然超興奮,又跑又跳。好啦。見到張大床就仲開心!因為可以係床度跳。(其實是極度危險的一件事)已經叫咗好多次唔好跳啦,好危險啊,小心整親啊。但愈叫佢唔好,愈跳得興奮,就喺嗰一刻巨響了一聲,Mario狂哭(不是平時的哭法)我從來未聽過佢哭到咁勁……我一望埋去,佢個鼻腫到……見到咁,我眼淚都標埋出來,都唔知可以點幫佢。」

受傷後幾日散瘀出嚟黑得好誇張。(IG:@caratcheung)

傷在兒身痛在媽媽心,張名雅除咗同囝囝一齊喊之外,亦馬上搵酒店職員幫手:「急救人員幫Mario嘅傷口消毒,凍敷。點知Mario突然停咗哭……我問救護人員,佢點啊。會唔會整到鼻骨啊?嗰個哥哥話如果真係整到鼻骨,佢應該會一直狂哭,因為會劇痛的……第二日立刻返香港帶佢看咗兩個醫生。而家過左咁耐鼻樑都有個小小疤痕。」佢亦提醒父母們真係要小心留神。

張名雅解釋自己仲笑得出,係因為老公話Mario哥鼻樑張膠布,睇落好似中國嗰啲殭屍。(IG:@caratcheung)

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。