Angelababy為小海綿舉行3歲生日會　黃曉明未現身再惹婚變傳聞

1月17號係Angelababy同黃曉明囝囝小海綿3歲生日，Baby為囝囝舉行盛大生日會，搵嚟一班朋友同囝囝慶生，但爸爸黃曉明就未見蹤影，令婚變傳聞再次鬧得熱哄哄。

Baby為小海綿舉行盛大生日派對，仲為囝囝圓夢，以小海綿至愛嘅Ultraman做主題兼搵佢嚟同壽星慶生，見到生日會有好多Baby嘅朋友，以及一大批小朋友出席，唯獨唔見爸爸黃曉明，加上之前元旦Baby都係兩母子去滑雪，一家三口久未同框。

去到小海綿生日翌日即係18號，曉明大哥終於出現，轉發Baby微博並寫上「3歲啦﹗永远做你的奥特曼」同日有網友爆料，原來黃曉明唔係忘記囝囝生日，而係一早喺月初嗰陣，兩父子去動物園，小海綿騎膊馬睇動物相當興奮。不過呢次就輪到Baby唔見影，連愛子生日都唔合體，難怪婚變傳聞愈演愈烈。