Angelababy為小海綿舉行3歲生日會 黃曉明未現身再惹婚變傳聞

撰文:
最後更新日期:

1月17號係Angelababy同黃曉明囝囝小海綿3歲生日,Baby為囝囝舉行盛大生日會,搵嚟一班朋友同囝囝慶生,但爸爸黃曉明就未見蹤影,令婚變傳聞再次鬧得熱哄哄。

Angelababy為小海綿舉行生日派對。(微博:@神仙妹妹)

黃曉明未有出席囝囝嘅生日會,喺翌日轉發Baby微博。(微博:@黃曉明)

Baby為小海綿舉行盛大生日派對,仲為囝囝圓夢,以小海綿至愛嘅Ultraman做主題兼搵佢嚟同壽星慶生,見到生日會有好多Baby嘅朋友,以及一大批小朋友出席,唯獨唔見爸爸黃曉明,加上之前元旦Baby都係兩母子去滑雪,一家三口久未同框。

生日會以小海綿至愛嘅Ultraman做主題。(微博:@神仙妹妹)

去到小海綿生日翌日即係18號,曉明大哥終於出現,轉發Baby微博並寫上「3歲啦﹗永远做你的奥特曼」同日有網友爆料,原來黃曉明唔係忘記囝囝生日,而係一早喺月初嗰陣,兩父子去動物園,小海綿騎膊馬睇動物相當興奮。不過呢次就輪到Baby唔見影,連愛子生日都唔合體,難怪婚變傳聞愈演愈烈。

有網友話今個月初喺動物園撞到黃曉明兩父子。(微博圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。