唐詩詠愛貓蛋蛋闖雪櫃涼冷氣 唐爸爸乘機催婚

撰文:
最後更新日期:

唐詩詠好鍾意小動物。(IG:@natalietong53)

仲有幾日就到農曆新年,大家又係時候準備應付親友們嘅「親切關心」,單身嘅問幾時拍拖,拍拖嘅問幾時結婚,結咗婚問幾時生BB……唐詩詠一向係貓奴,呢日佢分享貓仔蛋蛋嘅趣事,點知唐爸爸見縫插針順道催生BB,相當爆笑。

唐詩詠係出名嘅貓奴,相中呢隻「蛋蛋」係家中新成員。(IG:@natalietong53)

唐詩詠話:「起身諗住整隻蛋食,打開雪櫃,見到呢條尾﹗」原來蛋蛋居然入咗雪櫃,仲揈晒尾好似好享受透心涼感覺,令詩詠哭笑不得。唐爸爸問點解蛋蛋喺雪櫃,詩詠話:「肯定襯你打開門,偷偷地走入去啦,你見唔到咩?咁即係蛋蛋係入面幾耐?」最搞笑係唐爸爸乘機打蛇隨棍上:「女呀,湊BB容易過湊貓呀,今晚想食咩?」估唔到被問責轉個彎又可以催婚,唐爸爸果然高招呀﹗

蛋蛋走入雪櫃涼冷氣,估唔到唐爸爸可以乘機催婚,真係好高招﹗(影片截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。