無綫被網民追擊絕跡商場騷 港姐王菲靠積蓄過活 :真係捱麵包

撰文:吳子生
出版:更新:

港姐亞軍王菲今日(21/1)現身將軍澳出席明珠台《浪琴表香港馬術大師賽2020》獨家直播記者會。王菲表示:「自己好少接觸馬匹,所以認識唔深,以前讀中學時接觸過一次,之後就冇,直至宜家入咗行之後,啲人就會話要學下騎馬,因為拍古裝劇時有需有騎馬拍攝,咁所以真係要去學下打好個底。」

港姐王菲透露現時靠積蓄過活,仍可頂多半年時間。(劉智源攝)

提到當選港姐後,適逢香港受社會運動影響,商演活動銳減,王菲直言靠積蓄過活:「我宜家計過仲可以頂到半年,真係要捱麵飽,公司我真係好需要工作呀,哈哈,咁又唔係嘅,其實好在同朋友出去食飯,都唔係話食好貴嘅嘢,大家都知大家嘅狀況,所以我同朋友出去嘅時候,都會建議搞個抵消費活動,例如去野餐,大家都好樂意去,因為又可以打下卡。」

王菲透露每逢過年前,必定購買全套新紅色睡衣及內衣過新年。(劉智源攝)
+1